Hópurinn í fél 413 - mentorverkefninu vináttu, hittist í sveitinni hjá Þórði Júlíussyni kennara 24. apríl síðastliðinn. Þar var mikið fjör og fengu krakkarnir m.a. að fara á hestbak og voru dregnir á vélsleða um túnið. Nú hafa flestir mentorarnir kvatt sín börn eftir skemmtilega samveru í vetur.  

Á morgun föstudag er síðasti prófadagur vorannar 2012. Á laugardag eru sjúkrapróf.

Opnað verður fyrir einkunnir á Innu þriðjudaginn 15. maí kl. 15.00.

Prófasýning verður miðvikudaginn 16. maí kl. 11.30 - 13.00.

Brautskráning verður laugardaginn 19. maí kl. 14.00 í Kirkju - og menningarmiðstöðinni á Eskifirði. Útskriftaraðilar er beðnir að mæta í kirkjuna kl. 13.00.

Fimmtudaginn 10. maí verður skólinn opnaður upp á gátt fyrir gestum. Við vonum að verðandi nemendur og aðstandendur þeirra komi, skoði skólann og ræði við starfsmenn. Þá að sjálfsögðu eru aðstandendur núverandi nemenda velkomnir sem og aðrir velunnarar skólans.

Foreldraráð skólans hefur ritað hvatningu til aðstandenda nemenda sem birt er hér að neðan.

Ágætu foreldrar nemenda í 9. og 10. bekkjum grunnskóla Fjarðabyggðar. Við sem skipum foreldraráð Verkmenntaskóla Austurlands viljum hvetja ykkur til að koma og kynna ykkur námsframboð og aðstöðu í VA á opnum dögum n.k. fimmtudag 10. maí á milli kl. 18 og 20.

Það er hverju bæjarfélagi mikilvægt að geta boðið upp á nám á framhaldsskólastigi og er það víða baráttumál í bæjarfélögum að koma á fót framhaldsskólum eða útibúum frá framhaldsskólum. Við hér í Fjarðabyggð erum lánsöm, því hér er starfræktur góður framhaldsskóli sem býður bæði upp á bóknámsbrautir og verknám. Þeir nemendur sem búa utan Norðfjarðarhverfis er boðið upp á daglegar rútuferðir í og úr skóla. Það á síðan að vera baráttumál okkar foreldra í Fjarðabyggð að ráðist verði nú þegar í gerð Norðfjarðaganga svo tryggja megi eðlilegar samgöngur milli bæjarhluta.

Það er gífurlega mikilvægt að nemendur geti sótt nám í sínu bæjarfélagi og notið stuðnings foreldra á þeim miklu mótunarárum sem í hönd fara. Þáttur foreldra í framhaldsnámi barna sinna verður seint ofmetinn og margir nemendur þurfa mikið aðhald á þessum árum.

Foreldraráð VA verður með kynningu í bókasafni skólans á opnum dögum og mun þar kynna starfsemi sína sem hefur verið stuðningur við skólann og nemendur og vinna að forvarnarmálum.

Foreldraráð VA

Margrét Þorvaldsdóttir formaður

Anna Margrét Sigurðardóttir

Hildur Ýr Gísladóttir

Sigríður Kristinsdóttir

Prófin hefjast alla daga kl. 08.30. Þau standa yfir í tvo klukkutíma. Brottför rútu frá VA er kl. 10.45 á Eskifjörð og Reyðarfjörð. Mikilvægt er að mæta stundvíslega í próf og kynna sér vel prófareglur sem hengdar hafa verið upp á auglýsingatöflur skólans. Upplýsingar um staðsetningu einstakra prófa verða við báða innganga í bóknámshúsi daglega.

Gangi ykkur sem allra best.