Heimildaskrá

Heimildaskrá er yfirlit yfir þær heimildir sem höfundur hefur nýtt sér til upplýsingaöflunar við skrif sín. Nokkur atriði skal hafa í huga þegar heimildaskrá er sett saman. 

• Heimildum er raðað í heimildaskrá sem skal vera aftast í verkefni. 

• Heimildum skal raðað í stafrófsröð. Ef notast er við tvær eða fleiri heimildir eftir sama höfund ræður aldur heimildanna röð þeirra í heimildaskrá. Ef sami höfundurinn hefur gefið út fleiri en eitt verk sama árið skal auðkenna verkin með bókstöfum, svo tengja megi heimildir og tilvísanir í þær. 

• Nöfn íslenskra höfunda í heimildaskrá: fornafn og eftirnafn. 

• Nöfn erlendra höfunda í heimildaskrá: eftirnafn, skammstöfun fornafns/-nafna

• Alltaf skrá allan titil verka sem sett eru í heimildaskrá, ekki gleyma undirtitli. 

• Titill bókar, greinasafna, tímarita o.s.frv. eru alltaf skáletraðir. 

• Titlar greina á neti eru ekki skáletraðir í heimildaskrá. 

• Muna eftir blaðsíðutali greina sem eru í heimildaskrá.