Íþróttaakademía Verkmenntaskóla Austurlands

Við Verkmenntaskóla Austurlands (VA) er starfrækt íþróttaakademía. Íþróttaakademían er ætluð nemendum sem vilja stunda sína íþróttagrein á álagi afreksmanna samhliða námi við skólann.

VA býður upp á íþróttaakademíur í knattspyrnu, blaki og einstaklingsíþróttum og mun skólinn verða í samstarfi við íþróttafélögin á svæðinu. Nemendur mæta á æfingar með sínu félagsliði undir stjórn menntaðs þjálfara og fá þátttöku í greininni metna inn í námið við skólann.

Nemendur sem skrá sig í íþróttaakademíu VA:

• Taka 2 einingar á önn í sinni íþróttagrein þ.e. knattspyrnu, blaki, crossfit eða annarri einstaklingsíþrótt.
• Samhliða æfingunum sitja nemendur 2 eininga bóklegt námskeið á hverri önn sem er í umsjón íþróttakennara skólans. Þar fá nemendur fræðslu í þjálffræði, næringu, íþróttasálfræði, forvörnum o.fl.
• Taka ekki almenna hreyfiáfanga (HREY1AI01A, HREY1AI01B, HREY1LM01A, HREY1LM01B).
• Nemendur sem skrá sig í íþróttaakademíuna taka fjórar einingar á önn eða 24 einingar í heildina.
  • Nemendur nýta 4 einingar í almenna hreyfiáfanga
  • Nemendur nýta 20 einingar í bundið val eða frjálst val

Nemendur sækja sérstaklega um að vera í íþróttaakademíunni og er nefnd sem fer yfir hverja umsókn fyrir sig og kannar hvort að nemandi uppfylli skilyrði um að vera í íþróttaakademíunni.

Gerðar eru ákveðnar kröfur til nemenda

• Að hafa stundað íþrótt sína í nokkur ár og vera virkur iðkandi í íþróttafélagi.
• Að hafa staðist grunnskólapróf.
• Vera vímuefna- og tóbakslaus íþróttamaður/íþróttakona.
• Nemendur þurfa að geta tileinkað sér hugarfar og lífsstíl afreksíþrótta.
• Gerð er krafa að nemendur hafi a.m.k. 95% skólasókn í öllum námsgreinum og á æfingum.
• Mæta á 4 – 6 æfingar á viku með félagsliði sínu.

Tengiliður við íþróttafélögin er Salóme Rut Harðardóttir íþróttakennari VA – salome@va.is