Listaakademía Verkmenntaskóla Austurlands

Við Verkmenntaskóla Austurlands (VA) er starfrækt listaakademía. Listaakademían er ætluð nemendum sem vilja kynnast list á sem fjölbreyttasta máta, þó með aðaláherslu á leiklist. Unnið verður m.a. með framsögn, framkomu, tjáningu, listsköpun og samvinnu og tónlist. Námið fer fram að hluta til utan hefðbundins skólatíma.

Nemendur sem skrá sig í listaakademíu VA:

• Vinna í sameiningu að því að setja upp leiksýningu á vorönn.
• Vinna að ýmsum misstórum verkefnum innan og utan skólans.
• Taka 3 einingar á haustönn og 5 einingar á vorönn.
  • Áfangar á haustönn
  • LIAK1VS03 – Listaakademía – víðsýni
  • LIAK2SK03 – Listaakademía - sköpun
  • LIAK3ÁB03 – Listaakademía – ábyrgð
  • Áfangar á vorönn
    • LIAK1NS05 - nemendasýning
    • LIAK2NS05 - nemendasýning
• Nýta einingarnar í bundið val eða frjálst val.

Nemendur skrá sig í listaakademíuna á valdögum eða við innritun.

Gerðar eru ákveðnar kröfur til nemenda

• Nemendur þurfa að vera tilbúnir til að stunda nám að hluta til utan hefðbundins skólatíma.
• Nemendur þurfa að geta unnið í nánu samstarfi við aðra.
• Nemendur þurfa að geta mætt fjölbreyttum viðfangsefnum með opnum huga.