Nýsköpunar- og tæknibraut

Ekki í boði skólaárið 2024-2025

Nýsköpunar- og tæknibraut NÝT

Námi á nýsköpunarbraut er ætlað að veita nemendum góða, almenna undirstöðuþekkingu í bóklegum og verklegum greinum með áherslu á nýsköpun. Í námi sínu tileinka nemendur sér mismunandi nálgun við lausn ýmissa verkefna og temja sér verkleg, skapandi og listræn vinnubrögð. Meðal kennslugreina á brautinni eru auk bóklegra greina frumkvöðlafræði, stafræn smiðja (fablab), nýsköpun, forritun, vefmiðlun, rafmagns-, málm- og trésmíðaáfangar. Námið veitir góðan undirbúning fyrir nám í háskólum eða sérskólum einkum á sviði skapandi greina. Námið er 200 framhaldsskólaeiningar og því lýkur með stúdentsprófi.

Inntökuskilyrði má sjá hér. 

Nám á nýsköpunarbraut er hvort tveggja bóklegt og verklegt og fer fyrst og fremst fram í skólanum. Námsbrautin skiptist í kjarna, brautarkjarna og frjálst val. Kjarninn samanstendur af áföngum sem nemendur á öllum stúdentsbrautum taka en brautarkjarninn er einkennandi fyrir nýsköpunar- og tæknibraut. Gæta þarf að því að kröfum um fjölda eininga á hæfniþrepi sé fullnægt:

• Einingar á fyrsta hæfniþrepi mega að vera að hámarki 33%
• Einingar á öðru hæfniþrepi mega að vera að hámarki 50%
• Einingar á þriðja hæfniþrepi þurfa að vera að lágmarki 17%.

Kjarni

Brautarkjarni – 75 f-einingar

Frjálst val – 25 f-einingar

Við val á áföngum þarf nemandi að hafa í huga samsetningu áfanga hvað þrepaskiptingu varðar til að uppfylla skilyrði aðalnámskrár.

Nánari brautarlýsing