Bréf skólameistara vegna verkfallsboðunar

Ágætu nemendur og forráðarmenn.

 Meirihluti félagsmanna Kennarasambands Íslands (KÍ) í ríkisreknum framhaldsskólum hefur samþykkt verkfallsboðun. Til stendur að verkfall hefjist 17. mars, hafi samningar ekki náðst. Komi til verkfalls mun skólinn bjóða upp á þjónustu að því marki að ekki sé verið að ganga í störf félagsmanna KÍ. Í þessu sambandi er reiknað með að heimavist verði opin ásamt bókasafni, lestraraðstöðu, tölvuaðstöðu og mötuneyti. Einnig komast nemendur til og frá skólanum með almenningssamgöngum. Beðið er svara frá menntamálaráðuneytinu varðandi ýmis atriði, komi til verkfalls. Ættu þau svör að vera komin í næstu viku.

Boðið verður upp á kynningarfundi fyrir nemendur og forráðarmenn í næstu viku, hafi samningar ekki náðst. Þeir fundir verða auglýstir sérstaklega á heimasíðu skólans og með tölvupósti.

Fjarðabyggð 7. mars 2014

Elvar Jónsson

skólameistari