Gettu betur

Lið Verkmenntaskóla Austurlands keppir í Gettu betur í kvöld gegn liði Framhaldsskólans á Laugum. Viðureiginin hefst kl. 19.30 og verður í beinni útsendingu á Rás 2. Liðsmenn VA hafa verið duglegir að æfa frá því október og eru vel stemmdir fyrir keppninni í kvöld. Lið VA skipa Jökull Logi Sigurbjarnarson, Ýr Gunnarsdóttir og Jóhann Gísli Jónsson. Auk þess hafa Guðmundur Kristinn Þorsteinsson, Birna Marín Viðarsdóttir og Hlynur Karlsson æft með liðinu og eru klár ef forföll verða.

Eins og undanfarin ár kepptu liðsmenn VA við kennaralið og hefur sú keppni verið hluti af lokaundirbúningi fyrir Gettu betur. Kennarar höfðu betur 33-32 en þeir höfðu ekki unnið nemendur í mörg ár og því kominn tími á sigur þeirra.