Kennslufyrirkomulag framundan

Upplestur á frétt.

Kennsla á Bláa hnettinum hefst að loknu páskaleyfi miðvikudaginn 15. apríl, skv. stundakrá. Fyrirkomulagið er með sama hætti og var fyrir páskaleyfi, þ.e. fjarkennsla. Sama dag verða komnar upplýsingar á kennsluvefi áfanga um hvernig lokaprófum og námsmati verður háttað en viðbúið er að einhverjar breytingar verði á námsmati í flestum áföngum. Sem dæmi má nefna að sumum lokaprófum verður breytt í lokaverkefni og eins verður lokaprófum í sumum áföngum breytt í heimapróf. 

Þar sem takmörkunum á skólahaldi sem fylgdu samkomubanni verður að hluta til aflétt þann 4. maí er nú unnið að skipulagningu verklegarar kennslu á iðnnámsbrautum í maí. Upplýsingar um fyrirkomulagið verða sendar til nemenda eins fljótt og auðið er.

Fyrirkomulagið er því gróflega með eftirfarandi hætti:

• Nemendur á eftirfarandi námsbrautum koma ekki aftur inn í skólann á vorönn:
  • Náttúruvísindabraut
  • Félagsvísindabraut
  • Nýsköpunar- og tæknibraut
  • Framhaldsskólabraut
  • Framhaldsskólabraut - nýbúar
  • Starfsbraut
  • Opin stúdentsbraut

• Nemendur á eftirfarandi námsbrautum verða kallaðir inn í maí skv. stundaskrám sem eru í vinnslu:
  • Grunnám málm- og véltæknigreina, 2. önn
  • Vélstjórn, 4. önn
  • Húsasmíði, 2. önn
  • Húsasmíði, 5. önn
  • Háriðn, 2. önn
  • Háriðn, 4. önn
  • Rafiðn, 4. önn (RTMV2DA05) - ath. þetta er breyting frá því sem áður var gefið út
  • Dreifnám rafiðngreinar
  • Dreifnám málm- og véltæknigreinar