Menningarferð NIVA 17. – 19. nóvember

Fyrirhuguð er menningarferð NIVA um næstu helgi 17. – 19. nóvember . Farið verður með rútu á föstudeginum og er brottför frá VA kl: 12:30, frá Eskifirði (Sundlaugin) kl:13:00  og frá Reyðarfirði (Olís) kl: 13:20. 

Nemendafélagið og skólinn greiðir ferðina að að hluta til niður og kostar hún þá 15.000.kr. Inni í þeirri upphæð eru allir viðburðir sem nemendafélagið hefur skipulagt fyrir nemendur ásamt gistingu, rútu og tveimur kvöldmáltíðum.

Skráning fer fram hjá ritara til hádegis, fimmtudaginn 16. nóvember. Þá rennur einnig fresturinn út til að greiða ferðina og skila inn leyfisbréfi frá foreldrum nemenda yngri en 18. ára (sjá nánar bréf sem sent var á foreldra). Samt er mikilvægt er að allir skrái sig sem fyrst til að fá fjöldatölur til að staðfesta pantanir vegna ferðarinnar. 

Almennar skólareglur gilda í ferðinni þar sem notkun tóbaks, áfengis og annarra vímuefna er að sjálfsögðu bönnuð.

Dagskrá ferðarinnar í grófum dráttum er svo hljóðandi: 

Föstudagurinn 17. nóvember:

Stoppað við Dimmuborgir

Skólaheimsókn á Húsavík

Pizzahlaðborð á Húsavík

Laugardagurinn 18. nóvember:

Menningardagskrá á Akureyri t.d. verður farið á skauta, í jólahúsið, út að borða o.fl.

Sunnudagurinn  19. nóvember:

Heimferð og Jarðböð á Mývatni.

Nánari dagskrá ferðarinnar má nálgast á fb síðu nemendaráðs.