Önnur umferð Gettu betur

Gettu betur lið Verkmenntaskóla Austurlands keppir í kvöld  gegn Fjölbrautaskólanum í Garðabæ. Viðureiginin er sú fyrst í 16-liða úrslitum og keppa skólarnir nú um að komast í 8-liða úrslit, en sú umferð er sýnd í sjónvarpi. Kappleikur VA og FG hefst kl. 20.30 og verður í þráðbeinni á Rás 2. 

Lið VA hefur undirbúið sig af bestu getu eftir sigurinn í fystu umferð gegn Framhaldsskólanum á Laugum. Eins og fyrir aðrar útvarpsviðureignir kepptu liðsmenn VA við lið skipað kennurum í morgun og fóru með sigur af hólmi 31-23.