Samstarf Art Attack Neskaupstaður og Listaakdemíu VA

Art attack er verkefni sem að íbúðarsamtökin Bærinn okkar komu á koppinn með Hákon Guðröðarson og Jónu Árnýju Þórðardóttur í broddi fylkingar. Art attack er staðsett í listamiðju Norðfjarðar sem er til húsa í Þórsmörk. Listrænn stjórnandi verkefnisins er Karna Sigurðardóttir.

artattack740 @artattack740

Á haustdögum þegar skólinn var að fara af stað hittumst við Karna í spjall og komumst að því að þetta ART Attack verkefnið væri kjörið tækifæri fyrir nemendur í listaakademíu, þar sem áhersla á haustönn í þessum áfanga hefur verið að kynna sér ólíka listheima. Við hófumst handa við að raða saman blöndu af áhugaverðum fyrirlestrum ásamt vinnustofum þar sem nemendur fá að spreyta sig innan þeirrar listgreinar sem hver listamaður ART Attack verkefnisins hefur upp á að bjóða. Mismunandi hefur verið hvort nemendur hafi fengið fyrirlesturinn í skólastofunni eða á verkstæðum listamannanna.  

Listamennirnir sem við höfum hitt fram til þessa eru Rán Flygenring, Emanda Preciva, Björn Loki, Elsa Jónsdóttir, SheenRu Yong og Spencer Agoston.

Rán er útskrifuð sem grafískur hönnuður frá Listaháskóla Íslands en hún vinnur sem sjálfstætt starfandi teiknari og listamaður. Hefur Rán unnið ýmis verðlaun fyrir verk sín, þar á meðal Barnabókmenntaverðlaun Þýskalands 2012 ásamt Finn-Ole Heinrich rithöfundi. Rán er á faraldsfæti og býr í ferðatösku. Rán kynnti fyrir nemendum hvernig hún vinnur og einnig hvernig er að lifa af sem listamaður á íslandi.

Hér er hægt að sjá hvað Rán er að fást við: ranflygenring.com  ranflygenring   @ranflygenring

Næst kom til okkar Emanda Perciva, hún er rithöfundur og kennari. Hún  kemur frá Ástarlíu og kenni ensku á Spáni. Emanda fræddi nemendur um hvernig er að vera rithöfundur og sagði þeim frá því hvernig hún hefði ákveðið einn daginn að breyta um stíl sem rithöfundur. Emanda vinnur út um allan heim, þar sem hún skrifar sögur heimamann á hverjum stað og birtir þær í heimabæ þeirra.

Nemendur tóku virkan þátt hjá Emanda með því að skrifa fyrir hana sögur af einhverju sem þeir höfðu upplifað. Einnig ætla einhverjir nemendur að vinna meira með henni að skrifum í bænum með sínar sögur.

Meira um Emanda hér og hér   

Nemendur fóru svo í síðustu viku og fengu fræðslu um Street art eða veggjalist frá listamönnum sem kalla sig Studio Kleina. Listamennirnir tóku á móti þeim þar sem þeir eru að vinna listaverk á mjöltank hér í bænum, Studio Kleina samanstendur af þeim Birni Loka og Elsu, en þau eru grafískir hönnuðir, bæði menntuð frá Listaháskóla íslands.

www.studiokleina.com     www.bjornloki.com     www.skiltamalun.is     +354 6166283     @studiokleina

Þessa daganna eru nemendur að vinna með dönsurum frá Hawai. Það eru þau SheenRu Yong og Spencer Agoston og leiddu þau í morgun nemendur í dansverk sem flutt var gervigrasvellinum okkar í frímínútum í morgun. Með dansinum túlkuðu nemendur náttúru Íslands í tilefni dags íslenskrar náttúru þann 16. september. Verkið kallast THIN SKIN og er unnið með þunnu plasti sem gæti verið skinn.

bodyportaltheatre @bodyportaltheatre

Svanlaug Aðalsteinsdóttir, kennari í LIA (listaakademía VA)