Sigur í fyrstu umferð Gettu betur

Lið Verkmenntaskóla Austurlands sigraði Framhaldsskólann á Laugum í fyrstu umferð Gettu betur.

Viðureignin var hnífjöfn og endaði með sigri VA 19-16. VA er því komið í aðra umferð keppninnar þar sem 16 skólar standa eftir og keppa um sæti í 8 liða úrslitum sem fram fara í sjónvarpi. Keppendur VA þau Jökull Logi Sigurbjarnarson, Ýr Gunnarsdóttir og Jóhann Gísli Jónsson voru að vonum ánægð með sigurinn í gær og reynslunni ríkari því þetta var í fyrsta skipti sem Ýr og Jóhann taka þátt.

Verður spennandi að sjá hvaða skóla VA mætir í næstu umferð, en dregið verður í lok fyrstu umferðar  annað kvöld (miðvikudagskvöld).