Sigurlið Búlandsins

Kappróðurssveit Búlandsins vann frækilegan sigur í kappróðri í flokki landsveita á nýliðnum sjómannadegi. Liðið þótti hafa frábært áralag sem mörg sjómannasveitinn mætti vera fullsæmd af. Varð einhverjum á orði að þar sem uppistaðan í liðinu væri úr Verkmenntaskólanum þá væri ekki hægt að fara fram á minna en góða verkkunnáttu. Stýrimanninum ber þó heiður fyrir góða stjórn á sínum ræðurum. Búlandið er regnhlífarheiti yfir vísinda- og menntasamfélagið á Júdasarbala og nýverið bættist í þann hóp meira af slíkum sem hafa aðsetur í Steininum. Það má segja að markvissar æfingar hafi skapað þennan frábæra árangur líðsins enda vita sveitarmenn það að árangur byggist á ástunun. Góður bikar og verðlaunapeningar fylgdu sigrinum en auðvitað var róðurinn og æfingarnar aðalatriðið.

Á myndinni af sigurliðinu eru (frá vinstri). Margrét Perla Kolka Leifsdóttir, kennari í VA, Þorsteinn Ágústsson, starfsmaður Trackwell, Svanlaug Aðalsteinsdóttir, kennari í VA (heldur á bikarnum góða), Þórður Júlíusson, skólameistari VA, Ingibjörg Þórðardóttir, kennari í VA og stýrimaður, Jóna Ágúst Jónsson, forstöðumaður Náttúrustofu Austurlands og Auður Þorgeirsdóttir, þroskaþjálfi í VA og formaður sigurliðsins. Ljósmyndari: Áslaug Lárusdóttir

Liðið hyggst byrja æfingar snemma næsta vor til að ná betri tíma en allar sjómannasveitirnar.