Út er ævintýri

Keppendur Verkmenntaskóla Austurlands voru að vonum svekktir eftir grátlegt tap á móti Fjölbrautaskóla Garðabæjar í 16-liða úrslitum Gettu betur. Er þetta í þriðja árið í röð þar sem VA dettur út í jafnri viðureign í 16-liða úrslitum.  Keppnin í gær (mánudagskvöld) var æsispennandi og fór 21-19 fyrir FG eftir að VA hafði leitt 15-11 eftir hraðaspurningar. Þegar upp var staðið munaði því aðeins einu réttu svari hjá VA til þess að koma viðureigninni í bráðabana, en tvö stig eru gefin fyrir bjölluspurningar og hljóðdæmi. En þau sem kepptu fyrir hönd VA geta gengið stolt frá borði enda lögðu þau mikið á sig og engin skömm að detta út á móti sitjandi meisturum. Óskum við FG góðs gengis í 8-liða úrslitum.