Fréttir

Keppendur Verkmenntaskóla Austurlands voru að vonum svekktir eftir grátlegt tap á móti Fjölbrautaskóla Garðabæjar í 16-liða úrslitum Gettu betur. Er þetta í þriðja árið í röð þar sem VA dettur út í jafnri viðureign í 16-liða úrslitum. Keppnin í gær (mánudagskvöld) var æsispennandi og fór 21-19 fyrir FG eftir að VA hafði leitt 15-11 eftir hraðaspurningar.

Gettu betur lið Verkmenntaskóla Austurlands keppir í kvöld gegn Fjölbrautaskólanum í Garðabæ. Viðureiginin er sú fyrst í 16-liða úrslitum og keppa skólarnir nú um að komast í 8-liða úrslit, en sú umferð er sýnd í sjónvarpi. Kappleikur VA og FG hefst kl. 20.30 og verður í þráðbeinni á Rás 2.

Nemendur Verkmenntaskóla Austurlands tóku forskot á sæluna og minntust 100 ára fullveldisafmælis Íslands í morgun, tímamótunum verður fagnað víðsvegar á morgun 1. desember en þá verða liðin 100 ár frá fullveldistökunni. Nemendur héldu ræður um tildrög fullveldisbaráttunnar, mikilvægi fullveldisins og atburði ársins 1918. Einnig ákvaðu ræðumenn dagsins að skoða aðrar hliðar málsins eins og stuðning Vestur-Íslendinga við samlanda sína í aðdraganda fullveldis og mikilvægi fánans sem sameiningartákns fullvalda þjóðar. Lögðu þeir nemendur sem tóku til máls áherslu á mikilvægi áfangans og færðu rök fyrir því að þann 1. desember 1918 urðu stærri þáttaskil í sögu þjóðarinnar en 17. júní 1944.