Fréttir

Nemendur Verkmenntaskóla Austurlands tóku forskot á sæluna og minntust 100 ára fullveldisafmælis Íslands í morgun, tímamótunum verður fagnað víðsvegar á morgun 1. desember en þá verða liðin 100 ár frá fullveldistökunni. Nemendur héldu ræður um tildrög fullveldisbaráttunnar, mikilvægi fullveldisins og atburði ársins 1918. Einnig ákvaðu ræðumenn dagsins að skoða aðrar hliðar málsins eins og stuðning Vestur-Íslendinga við samlanda sína í aðdraganda fullveldis og mikilvægi fánans sem sameiningartákns fullvalda þjóðar. Lögðu þeir nemendur sem tóku til máls áherslu á mikilvægi áfangans og færðu rök fyrir því að þann 1. desember 1918 urðu stærri þáttaskil í sögu þjóðarinnar en 17. júní 1944.

Umsóknartímabil fyrir vorönn 2019 er frá 01. nóvember til 30. nóvember. Þetta tímabil er fyrir þá nemendur sem ekki stunda nám í VA. Nemendur sækja um námið á innritunarsíðu Menntamálastofnunar. Á heimasíðu VA má sjá námsframboð skólans. Þorbjörg Ólöf Jónsdóttir áfangastjóri svarar öllum fyrirspurnum um nám á vorönninni.