Fréttir

Þann 9. febrúar síðastliðinn heimsótti enskuáfanginn ENSK1ÞS05 kaffihúsið Nesbæ í Neskaupstað. Í áfanganum eru nemendur að læra um ýmsar hliðar þjónustustarfa og var ákveðið að fyrsta vettvangsheimsóknin yrði á kaffihúsið. Þar gátu nemendur notið þess að fá sér kaffi/heitt súkkulaði/ mat og kökur, ásamt því að öðlast innsýn í það hvernig er að vinna á slíkum stað.

Stöðupróf í pólsku verður haldið í Kvennaskólanum í Reykjavík, ef aðstæður leyfa, miðvikudaginn 17. mars 2021 klukkan 17:00. Prófið verður í aðalbyggingu skólans að Fríkirkjuvegi 9. Mest geta nemendur fengið 20 ein. metnar á 15 ein. á 1. þrepi og 5 ein. á 2. þrepi. Þeir sem vilja fara í prófið þurfa að skrá sig á heimasíðu skólans ekki síðar en á hádegi 15. mars.

Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.menntasjodur.is Eingöngu er hægt að sækja um jöfnunarstyrkinn með rafrænum skilríkjum á heimasíðu menntasjóðs, www.menntasjodur.is, eða island.is. Umsóknarfrestur vegna vorannar 2021 er til 15. febrúar næstkomandi! Ef þú óskar eftir frekari upplýsingum getur þú sent fyrirspurn á menntasjodur@menntasjodur.is.

Töflubreytingar eiga sér stað til og með 25. janúar.

VA er einn af aðildarskólum og fær þess vegna þetta góða tilboð. Tilboðið gildir bæði í verslun IÐNÚ, Brautarholti 8 og í vefverslun.

Á morgun, mánudaginn 4. janúar, hefst spurningakeppni framhaldsskólanna Gettu betur. Lið VA mun hefja leik í fyrstu keppni kvöldsins. Undirbúningur fyrir keppnina hefur staðið undanfarna mánuði en eins og svo margt annað var hann í heldur óhefðbundnu formi vegna þeirra takmarkana sem hafa verið á skólastarfi. Lið VA annað kvöld verður skipað þeim Helenu Lind Ólafsdóttur, Hlyni Karlssyni og Ragnari Þórólfi Ómarssyni. Keppnin hefst kl. 19:00 og verður í beinni útsendingu á vefvarpinu Rúv núll, http://ruv.is/null Áfram VA!