Fréttir

Við hvetjum nemendur okkar til að fylgja öllum leiðbeiningum yfirvalda um samkomubann. Nýtið rafræna tækni sem best þið getið til samskipta og einnig til þess að styðja við hvert annað í náminu.

Birta Sæmundsdóttir kennir spænsku og upplýsingatækni í VA. Eins og aðrir kennarar skólans heldur hún kennslu sinni úti samkvæmt stundaskrá í gegnum veflæga kennslustofu, Bláa hnöttinn.

Kennslustundir falla niður á morgun, miðvikudaginn 25. mars. Það reynir talsvert á nemendur að halda dampi í breyttum aðstæðum og einnig þurfa kennarar aukinn tíma til að endurskoða kennsluhætti sína. Þessi dagur er því hugsaður fyrir nemendur til að hlaða batteríin og fyrir kennara til undirbúnings kennslu.

Nú er fyrstu viku okkar í kollvörpuðum skóla að ljúka. Í meðfylgjandi fréttabréfi eru mikilvæg skilaboð inn í helgina og fyrir næstu viku.

Á Kærleiksdögum var undirliggjandi markmiðið að safna fé til styrktar Pieta samtökunum. Alls söfnuðust 170.000 krónur sem voru afhentar samtökunum í síðustu viku.

Meðan á skólalokun varir er mikilvægt að það sé virkt upplýsingaflæði til ykkar allra. Hluti af því eru stutt fréttabréf sem eru send út reglulega. Í þeim er að finna alls kyns mikilvægar upplýsingar og biðjum við ykkur því að lesa allt sem í þeim er.

Þær aðstæður sem nú eru fyrir hendi krefjast alls kyns lausna. Í þessari frétt má finna upplýsingar sem nemendur og forráðamenn eru hvattir til að kynna sér mjög vel.