08.04.2016
Mánudaginn 11. apríl verður skólafundur. Fundurinn verður settur í stofu 1 kl. 10:55 þar sem skólameistari fer yfir fyrirkomulag skólafundar, umræðuefni o.fl.. Að þessu sinni eru umræðuefnin tvö. Í fyrsta lagi umgengni og í öðru lagi vinnustofur. Allir nemendur og starfsfólk VA eru boðaðir á fundinn. Gert er ráð fyrir því að fundurinn standi í um klukkustund og fellur öll kennsla niður á meðan.
Lesa meira
05.04.2016
Nemendur og kennarar á starfbrautinni skelltu sér í vettvangsferð til Reyðarfjarðar 4.mars síðastliðinn. Ferðin hófst hjá Slökkvuliði Fjarðabyggðar en þar tók Guðmundur Helgi Sigfússon á móti hópnum og fræddi um starf slökkvuliðsmanna auk þess sem hann sagði sögur úr starfinu og sýndi aðstöðuna. Sérstaklega sló í gegn hjá hópnum að fá að renna sér niður súluna og skoða bílana. Að þessu loknu lá leiðin á Íslenska stríðsárasafnið en þar tók Pétur Sörensson á móti hópnum og sýndi safnið. Hann kunni ótal góðar sögur af stríðsárunum og vöktu margir gripir á safninu áhuga gestanna. Ferðin endaði á Tærgesen í pizzuveislu og þannig lauk skemmtilegum og fræðandi degi.
Lesa meira
16.03.2016
Geðræktarmálþingið ,,Hvað segirðu gott?“ var haldið í Nesskóla, Neskaupstað síðastliðna helgi. Málþingið skiptist í tvo hluta, á föstudagskvöldið fyrir ungmenni á aldrinum 16 – 20 ára en öllum opið á laugardeginum.
Það voru forvarnarteymi VA, foreldrafélög VA og Nesskóla og starfsfólk fjölskyldusviðs Fjarðabyggðar sem stóðu fyrir málþinginu.
Á málþinginu komu fram sterkar persónur með reynslusögur, erindi og gjörninga. Þar var m.a. annars nemandi sem fjallaði um baráttu sína við þunglyndi og aðstandandi sem deildi reynslu í kjölfar sjálfsvígs. Þá flutti Salóme Rut erindi um lífsánægju og starfsumhverfi sjómanna og Petra Lind Sigurðardóttir hélt erindi um líkamsímynd og átraskanir. Einnig framkvæmdu nemendur frá Listaakdemíu VA gjörninga þar sem þeir túlkuðu á magnaðan hátt þær tilfinningar sem þeir hafa glímt við s.s. einelti og kvíða. Það var síðan Logi Geisson fyrrum landsliðsmaður í handknattleik sem endaði málþingið á erindi um sjálfstraust og markmiðssetningu.
Vel tókst til og má áætla að um 300 manns hafi sótt málþingið. Almennt mátti heyra að gestir hafi verið mjög ánægðir með hvernig til tókst.
Geðræktarmálþingið ,,Hvað segirðu gott?“ var haldið í Nesskóla, Neskaupstað síðastliðna helgi. Málþingið skiptist í tvo hluta, á föstudagskvöldið fyrir ungmenni á aldrinum 16 – 20 ára en öllum opið á laugardeginum.
Það voru forvarnarteymi VA, foreldrafélög VA og Nesskóla og starfsfólk fjölskyldusviðs Fjarðabyggðar sem stóðu fyrir málþinginu.
Á málþinginu komu fram sterkar persónur með reynslusögur, erindi og gjörninga. Þar var m.a. annars nemandi sem fjallaði um baráttu sína við þunglyndi og aðstandandi sem deildi reynslu í kjölfar sjálfsvígs. Þá flutti Salóme Rut erindi um lífsánægju og starfsumhverfi sjómanna og Petra Lind Sigurðardóttir hélt erindi um líkamsímynd og átraskanir. Einnig framkvæmdu nemendur frá Listaakdemíu VA gjörninga þar sem þeir túlkuðu á magnaðan hátt þær tilfinningar sem þeir hafa glímt við s.s. einelti og kvíða. Það var síðan Logi Geisson fyrrum landsliðsmaður í handknattleik sem endaði málþingið á erindi um sjálfstraust og markmiðssetningu.
Vel tókst til og má áætla að um 300 manns hafi sótt málþingið. Almennt mátti heyra að gestir hafi verið mjög ánægðir með hvernig til tókst.
Lesa meira
14.03.2016
Dagana 9. – 11. mars voru geðræktardagar í VA. Myndir frá 11. mars eru komnar í myndasafnið.
Lesa meira
11.03.2016
Dagana 9. – 11. mars eru geðræktardagar í VA. Myndir frá öðrum degi eru komnar í myndasafnið.
http://www.va.is/is/skolatorg/myndasafn/gedraektardagar-2016-fimmtudagur
Lesa meira
10.03.2016
Dagana 9. – 11. mars eru geðræktardagar í VA. Myndir frá fyrsta degi eru komnar í myndasafnið.
http://www.va.is/is/skolatorg/myndasafn/gedraektardagar-2016
Lesa meira
02.03.2016
Smáskipanámskeið í Verkmenntaskóla Austurlands
Í mars - apríl ef næg þátttaka næst
Kennt verður að hluta til með fjarnámsfyrirkomulagi með 2 – 3 staðlotum. Fyrsta staðlotan er 12. – 13. mars og hefst þá kennsla kl. 9:00 laugardaginn 12. mars.
Smáskipanám kemur í stað þess sem áður var nefnt 30rl réttindanám (pungapróf) og miðast atvinnuskírteinin nú við lengd skipa í stað brúttórúmlestatölu áður.
Réttindin miðast skv. því við skip 12 metrar og styttri að skráningarlengd, m.v. að hafa lokið 12 mánaða siglingatíma skv. reglugerð nr. 393/2008.
Lesa meira
29.02.2016
Dagana 9. – 11. mars verða geðræktardagar í VA. Þá mun öll hefðbundin kennsla falla niður og boðið verður upp á ýmiskonar vinnustofur sem tengjast á einn eða annan hátt geðrækt. Verkmenntaskóli Austurlands er þátttakandi í verkefninu Heilsueflandi framhaldsskóli sem hefur það að markmiði að stuðla að almennri heilsu nemenda og starfsmanna. Þeir nemendur sem taka þátt alla geðræktardagana (fyrir og eftir hádegi) fá eina f-einingu fyrir.
Skráning í vinnustofur fer fram dagana 01.03 – 04.03 á heimsíðu VA undir skólatorg. Nemendur þurfa að velja vinnustofur fyrir og eftir hádegi (þar sem það á við). Þar sem fjöldatakmarkanir eru í sumar vinnustofur, verða nemendur að velja vinnustofur til vara. Veljið þrjár vinnustofur fyrir hvern dag (fyrir og eftir hádegi ef það á við), setjið nr. 1 við það sem ykkur langar helst að taka þátt í, nr. 2 við það sem ykkur langar næst helst að taka þátt í og nr. 3 það sem er í þriðja sæti hjá ykkur.
Lesa meira
26.02.2016
Í ljósi fyrirhugaðra breytinga og þeirra breytinga sem hafa orðið á Söngkeppni framhaldsskólanna undanfarin ár hafa nemendafélög Framhaldsskólans á Laugum, Framhaldsskólans í Austur-Skaftafellssýslu, Menntaskólans á Tröllaskaga og Verkmenntaskóla Austurlands tekið þá ákvörðun að fylgja fordæmi Þórdunu, nemendafélags Verkmenntaskólans á Akureyri og draga sig úr keppninni þetta árið. Með þessari ákvörðun erum við að láta í ljós óánægju okkar með fyrirhugaðar breytingar sem verða innleiddar í keppnina í ár. Breytingarnar fela það í sér að til þess að eiga möguleika á því að taka þátt í keppninni þarf hver skóli að senda inn upptöku af sínu atriði. Það er síðan dómnefnd sem mun fara yfir atriðin og velja 12 atriði sem munu taka þátt í aðalkeppninni. Hver skóli borgar 40.000 kr fyrir það að senda inn upptöku ásamt því að fá aðgang að æfingahelgi fyrir keppninna í Reykjavík. Þeir skólar sem verða síðan valdir áfram í lokakeppnina þurfa að borga auka 30.000 kr í þátttökugjald og skuldbinda sig auk þess til að selja 20 miða til nemenda sinna á aðalkeppnina.
Augljóst er að hið nýja fyrirkomulag kemur sér sérstaklega illa fyrir litla skóla á landsbyggðinni. Fyrir nemendafélög með takmarkaðan fjárhag þá er þátttökugjaldið alltof hátt, sérstaklega í ljósi þess að við séum einungis að greiða fyrir það að senda upptöku af atriðinu og aðgang að æfingahelginni. Við erum mjög ósátt með það að ekkert tillit sé tekið til þess gríðarlega mikila aukakostnaðar sem að lendir á nemendafélögum skóla af landsbyggðinni við það að senda keppendur tvisvar til Reykjavíkur bæði á æfingahelgina og aðalkeppnina og síðan áhorfendur með keppendum á aðalkeppnina sjálfa. Með þessu fyrirkomulagi sitja skólar af höfuðborgarsvæðinu og skólar af landsbyggðinni ekki við sama borð og skólum er mismunað eftir landfræðilegri staðsetningu.
Einnig erum við mjög ósátt með það að einungis 12 keppendur fá tækifæri til þess að stíga á svið og koma fram í sjónvarpi. Við teljum þetta fyrirkomulag ekki stuðla að því að keppnin verði stökkpallur fyrir unga og efnilega listamenn til að koma sér á framfæri eins og markmið keppninnar ætti að vera.
Við sjáum ekki hag okkar í því að taka þátt í söngkeppni framhaldsskólanna þetta árið og munum við ekki endurskoða ákvörðun okkar fyrr en viðeigandi breytingar verða gerðar.
Fyrir hönd eftirtalinna nemendafélaga
Eva Sól Pétursdóttir
Formaður Nemendafélags Framhaldsskólans á Laugum
Haukur Orri Kristjánsson
Formaður Trölla, nemendafélags Menntaskólans á Tröllaskaga
Sigurður Ingvi Gunnþórsson
Formaður Nemendafélags Verkmenntaskóla Austurlands
Sævar Örn Kristjánsson
Formaður Nemendafélags Framhaldsskólans í Austur-Skaftafellssýslu
Lesa meira
24.02.2016
Söngkeppnin Barkinn fór fram í sal Menntaskólans á Egilsstöðum föstudaginn 19. febrúar síðastliðinn. Keppnin er liður í forvali fyrir söngkeppni framhaldsskólanna og að þessu sinni tóku nemendafélög VA og ME ákvörðun um að halda sameiginlega keppni. Sex atriði kepptu frá hvorum skóla og var verðlaunað fyrir fyrstu þrjú sætin í hvorum skóla. Úrslit VA fóru þannig að í 1. sæti varð Kristín Joy Víðisdóttir við undirspil Óskars Sveinssonar og Mörtu Guðlaugar Svavarsdóttur, í 2. sæti urðu Óskar Sveinsson og Bragi Örn Ingólfsson, í 3. sæti urðu Jarþrúður Hulda Atladóttir og Margrét Kolka Hlöðversdóttir. Að lokinni keppni var haldinn dansleikur á Kaffi Egilsstöðum. Rúmlega 50 manns fóru á keppnina og ballið frá VA en nemendfélag VA, NIVA bauð upp á rútu fyrir nemendur. Kvöldið gekk að mestu leiti vel og áfallalaust fyrir sig og voru nemendur VA til fyrirmyndar en 31 nemandi blés í áfengismæli og sýndu fram á að þeir voru edrú. Þessir nemendur eru þar með komnir í hinn ört stækkandi og vinsæla edrúpott, en dregið verður úr honum í lok vikunnar.
Lesa meira
