Fréttir

Laugardaginn 8.nóvember var haldinn Tæknidagur fjölskyldunnar í húsnæði Verkmenntaskóla Austurlands í Neskaupstað. Þetta er í annað sinn sem Tæknidagurinn er haldinn en með honum er ætlunin að vekja með skemmtilegum hætti athygli á tækni og vísindum í okkar nánasta umhverfi. Fyrir deginum stóðu Austurbrú og Verkmenntaskólinn en rúmlega tuttugu fyrirtæki, skólar og stofnanir tóku þátt. Að sögn aðstandenda Tæknidagsins voru fimm hundruð og þrjátíu gestir sem heimsóttu skólann.

7. nóvember síðastliðinn skipulögðu nemendur úr uppeldisfræði kósýdag fyrir nemendur og starfsfólk skólans. Kveikt var á kertum, allir hvattir til að mæta í náttfötum eða öðrum kósýfötum í skólann og boðið var upp á heitt kakó og piparkökur. Þessi sami dagur var helgaður baráttunni gegn einelti í skólanum. Í tilefni dagsins voru nemendur og starfsmenn minntir á viðbragðsáætlun gegn einelti í skólanum og að allir beri ábyrgð á því að samfélagið okkar sé vinsamlegt, án eineltis og annars ofbeldis. Stjórn NIVA stóð fyrir hópknúsi nemenda í nemendaaðstöðu eins og sjá má á meðfylgjandi mynd. Eftirfarandi er yfirlýsing starfsmanna og nemenda VA sem hangir uppi á göngum skólans og hefur einnig verið dreift rafrænt. Við berum öll ábyrgð! Við berum öll ábyrgð á því að samfélagið okkar sé vinsamlegt, án eineltis og annars ofbeldis. Nokkur dæmi um það hverju við nemendur og starfsfólk VA berum ábyrgð á:  Góðum skólabrag og starfsanda þar sem samkennd, virðing og ábyrgð eru höfð að leiðarljósi  Vera vakandi fyrir líðan hvers annars  Efla félagsfærni okkar og hæfni til samstarfs í fjölbreyttu samfélagi  Vera góðar fyrirmyndir  Fylgja eineltisáætlunum og öðrum slíkum sem gerðar eru til að bæta líðan okkar og öryggi  Setja okkur í spor hvers annars og bera virðingu hvert fyrir öðru  Skilja ekki útundan og baktala ekki  Virða margbreytileikann og muna að enginn getur allt og allir geta eitthvað  Nota netmiðla á öruggan hátt og muna að sömu samskiptareglur eiga við þar  Hafa hugrekki til að standa með þeim sem eru beittir órétti  Láta vita þegar við teljum einhvern verða fyrir einelti eða öðru ofbeldi

Smellið á fyrirsögnina og horfið á umfjöllun um Tæknidag fjölskyldunnar, VA og Fab Lab Austurland á N4.

Smellið á fyrirsögnina og síðan á myndina til að sjá dagskrána.

Takk kærlega fyrir komuna á Tæknidag fjölskyldunnar en 524 skrifuðu nafn sitt í gestabækur. Frekari fréttir og myndir frá deginum koma næstu daga en margskonar umfjöllun er að finna á facebooksíðu tæknidagsins.

Smellið á fyrirsögnina til að lesa fréttatilkynningu og tímasetta dagskrá.

Starfsfólk Verkmenntaskóla Austurlands sýndi stuðning sinn í verki í dag með því að bjóða kennurum Tónskólans í Neskaupstað sem eru í verkfalli í samstöðukaffi í morgun. Starfsfólk skólans tók höndum saman og hafði útbúið veisluborð og tók vel á móti á móti stéttarsystkinum sínum.

VA hefur verið þátttakandi í verkefninu Heilsueflandi framhaldsskóli síðan haustið 2010. Í því sameina starfsmenn, nemendur, foreldrar og lykilfólk í nærsamfélaginu krafta sína með það að markmiði að vinna að betra og heilsusamlegra skólaumhverfi. Framhaldsskólar fá á þemaárinu gátlista frá Landlæknisembættinu og uppfylli þeir kröfur hans fá þeir viðurkenningu. Mikill árangur hefur náðst á þeim tíma síðan verkefnið hófst en skólinn hefur fengið bronsviðurkenningu í næringu, silfurviðurkenningu í hreyfingu og nú á haustdögum silfurviðurkenningu í geðrækt. Þema skólaársins 2014-2015 er lífsstíll. Á myndinni má sjá nemendur úr geðræktarhópi skólans, Lilju Teklu Jóhannsdóttur og Sigurð Ingva Gunnþórsson, halda á viðurkenningaskjali frá Landlæknisembættinu.