Fréttir

Sálfræði daglegs lífs er áfangi sem kenndur er í fyrsta skipti í VA á þessari önn. Í áfanganum læra nemendur hugræna atferlismeðferð og slökun. Þeir kynna sér jákvæða sálfræði, íhugun, mindfulness og önnur sambærileg tól í andlegri heilsurækt. Eitt af verkefnum áfangans var að finna myndir sem í huga nemendanna táknaði gleði, þakklæti, stolt, eitthvað sem þeim þykir fyndið, væntumþykju og það besta við VA. Myndunum deildu nemendurnir á Instagramsíðunni með merkinu #salfraediva þar sem ennþá er hægt að skoða þæ

Á skemmtunum á vegum nemendafélags Verkmenntaskóla Austurlands gefst nemendum kostur á að blasa í áfengismæli. Með því er ekki aðeins verið að koma í veg fyrri ölvun nemenda á skemmtunum skólans heldur fara nöfn þeirra sem blása í edrúpott. Sami háttur var að sjálfsögðu hafður á þann 22. apríl sl. þegar árshátíð nemendafélagsins var haldin. Miðvikudaginn 29.apríl voru dregnir sigurvegarar upp úr edrúpottinum svokallaða sem geymdi nöfn þeirra sem blésu á árshátíðinni. Í þetta skipti voru pottarnir tveir, einn fyrir alla nemendur skólans og annar fyrir félaga í edrúfélagi skólans og höfðu meðlimir þess því tvöfalda möguleika á vinningi. En vinningarnir voru ekki af verri endanum, Bose-hátalarar fyrir sigurvegara í potti edrúfélagsins og sigurvegarinn í stærri pottinum hreppti Seinnheiser-heyrnartól. Sigurvegari í edrúpottinum var Smári Gunnarsson og Júlíus Óli Jakobsen var dreginn úr stóra pottinum.

Þriðjudaginn 21. apríl fékk skólinn höfðinglega gjöf frá Smith og Norland og Félagi íslenskra rafvirkja. Um er að ræða Simens LOGO stýrivélar til notkunar í kennslu.

Nánar á facebook síðu NIVA (https://www.facebook.com/nemendafelag.va?fref=ts)

Laugardaginn næstkomandi fer fram Söngkeppni framhaldsskólanna en þetta er í 25. skipti sem keppnin er haldin. Fulltrúar nemendafélagsins að þessu sinni eru Katrín Lilja Sigurjónsdóttir og Margrét Kolka Hlöðversdóttir. Keppnin verður sýnd í beinni útsendingu á RÚV og hefst forkeppnin kl. 13. Dómarar velja 11 atriði sem komast áfram í úrslit en eitt atriði kemst áfram í gegnum símakosningu. Úrslitakeppnin hefst kl. 21. Allar upplýsingar um keppnina og hvernig hægt er að kaupa sér miða má lesa https://www.facebook.com/songkeppniframhaldsskolanna Einnig er hægt að fylgjast með stúlkunum á síðu þeirra https://www.facebook.com/margretogkatrin2015?fref=ts Starfsfólk og nemendur óska þeim góðs gengis og hlakka til að fylgjast með þeim á laugardag.

Kynning á Fab Lab Austurland. Kennd undirstöðuatriði í teikniforritinu Inkscape (með Inkscape er hægt að teikna fyrir vinylskera, laserskera og stóra fræsarann), notkun vinylskera og laserskera. Þátttakendur þurfa að mæta með fartölvur1 og mikilvægt er að hafa mús meðferðis. Hlaðið forritinu Inkscape inn í tölvurnar fyrirfram en það má sækja endurgjaldslaust af slóðinni: http://inkscape.org/download/?lang=en

Skrifstofan verður lokuð frá og með 30. mars en opnar aftur þriðjudaginn 7. apríl kl.10:00. Kennsla hefst miðvikudaginn 8. apríl samkvæmt stundaskrá. Gleðilega páska!

Fulltrúar frá Keili verða með kynningu á námsframboði skólans í Verkmenntaskóla Austurlands, fimmtudaginn 26. Mars kl. 9:15 í stofu 1. Sérstök áhersla verður lögð á nám á háskólastigi, en í Keili er bæði hægt að leggja stund á tæknifræðinám til BS gráðu á vegum Háskóla Íslands og átta mánaða leiðsögunám í ævintýraferðamennsku í samstarfi við Thompson Rivers University í Kanada. Einnig verður kynnt vinsælt einka- og styrktarþjálfaranám, auk flugvirkjanáms og einka- og atvinnuflugmannsnám við Flugakademíu Keilis.