Fréttir

Tæknidegi fjölskyldunnar sem halda átti í Verkmenntaskóla Austurlands laugardaginn 29. mars nk., er frestað um óákveðinn tíma vegna verkfalls framhaldsskólakennara.

Námsframboð haustannar 2014 er komið á heimasíðu VA. Stefnt er að valdegi í VA miðvikudaginn 2. apríl nk. Námsframboðið er að finna undir flipanum Námið. Innritun eldri nemenda sem ekki eru í VA fer fram dagana 4. apríl – 31. maí. Eldri nemendur geta sótt um á Menntagátt eða með því að skrá umsókn sína hér á heimasíðunni undir undir flipanum Námið. Nú stendur einnig yfir forinnritun nemenda í 10. bekk og lýkur henni föstudaginn 11. apríl. Þessir nemendur sækja um á www.menntagatt.is

Bréf skólameistara vegna verkfallsboðunar. Smellið á fyrirsögnina til að lesa bréfið.

Smellið á fyrirsögnina til að lesa bréfið.

Íslandsmót iðngreina fór fram í síðustu viku. Tveir nemendur kepptu að þessu sinni fyrir hönd skólans. Þetta voru þeir Jónas Bragi Hallgrímsson og Sigurpáll Sindrason. Kepptu þeir í raflögnum og stýringum. Strákarnir stóðu sig með miklum sóma þó ekki hafi þeir unnið til verðlauna í þetta skiptið. Endilega skoðið myndirnar á http://www.va.is/is/skolatorg/myndasafn/islandsmot-idn-og-verkgreina-2014

Bréf skólameistara vegna verkfallsboðunar. Smellið á fyrirsögnina til að lesa bréfið.

Á fyrsta degi opinna daga fór hópur nemenda í heimsókn inn í fiskiðjuver og mjöl- og lýsisverksmiðju Síldarvinnslunnar í Neskaupstað. Þar tók við hópnum Hákon Viðarsson starfsmannastjóri Síldarvinnslunnar og leiddi hópinn í gegnum verksmiðjur fyrirtækisins. Hópurinn fór meðal annars í gegnum bolfiskvinnslu fiskiðjuversins þar sem unnið var að yfirferð véla og tækja en stefnt er að hefja vinnslu þar eftir nokkurra ára hlé. Einnig fylgdist hópurinn með þar sem verið var að pakka afurðum í vélum og var hópurinn sammála um að sjálfvirknin væri ótrúleg. Síðan lá leiðin yfir í mjöl- og lýsisverksmiðju fyrirtækisins þar sem gengið var um framleiðslusalina og smakkað á mjöli og síðan tók við hápunktur ferðarinnar þar sem farið var upp á mjöltanka verksmiðjunnar og inn í „skötuna“ og útsýnisins yfir fjörðinn notið þaðan. Verkmenntaskóli Austurlands þakkar Síldarvinnslunni fyrir höfðinglegar móttökur og fyrir afskaplega skemmtilegan og fróðlegan morgun á athafnasvæði fyrirtækisins.

Á morgun, föstudag, verður mikið um að vera í VA. Ýmsir hópar verða í gangi til kl. 11:00 eins og verið hefur síðustu daga. Kl. 11:30 – 12:30 er öllum nemendum skólans boðið í mat í mötuneyti heimavistarinnar. Um kl. 12:20 mun nemendafélag VA sýna ,,Trailer“ úr árshátíðarmyndbandinu. Einnig verða kökur og mjólk í boði sem nemendur í baksturshópunum hafa útbúið. Árshátíð VA verður svo um kvöldið. Húsið opnar kl. 19:30 og kl. 20:00 hefst borðhald þar sem Auddi og Sveppi verða veislustjórar.